Nakabaton ang kapin 4,574 ka mga senior citizen sa banwa sang Tapaz sang ila social pension nga P3,000 gikan sa Department of Social Welfare and Development (DSWD).
Naglab-ot sa P13, 722,000 ang gin alokar nga pondo sa una nga quarter sang tuig 2023 sang nasambit nga ahensya para sa mga benipisyaryo sa amo nga banwa.
Ginpangunahan sang DSWD Region VI ang pay-out sa bulig sang LGU-Tapaz pinaagi sa Municipal Social Welfare Development Office (MSWDO).
Tuman man ang pagpasalamat sang mga katigulangan sa gobyerno bangud sa programa nga padayon nga nagasuporta para sa ila ikaayo.//KMD Gicalde