LEGAZPI CITY – Nagbisita an mga personahes kan Department of Social Welfare and Development (DSWD) National and Regional Program Management Office sa Camalig nganing i-monitor an Kapit-Bisig Laban sa Kahirapan- Comprehensive and Integrated Delivery of Social Services (KALAHI-CIDSS) Project sa banwaan.
Obheto kaining masiyerto na an mga komunidad kan Barangay 2, 5, Cotmon, asin Tagoytoy, nakakapag-implementar kan tamang programa asin namamantenir basado sa inilatag na timeline.
Ini man nganing maramanan kun ano an saindang mga tigsasagibong interbensyon sa mga barangay nganing dagos na maikondusir an social welfare programs.
Diretso man suboot an saindang mga magigin lakdang sa paagi kan pagbilog nin mga programang nakapokus sa tabang na kaipuhan kan publiko orog na para sa mga tios na pamilya.