PHAPI: Bagong COVID-19 alert level system, dapat ‘di nakalilito’

Dapat maging malinaw sa publiko kung ano ang pagkakaiba ng dating COVID-19 alert level system sa plano ngayon ng Department of Health na i-revise o baguhin ito.

Sa Laging Handa Public Briefing, sinabi ni Dr. Jose Rene De Grano, ang presidente ng Private Hospitals Association of the Philippines Inc. (PHAPI) na kailangang masiguro ng DOH kung ano ang magiging coverage ng iba’t-ibang level systems na may kaugnayan sa covid-19, kung sakali mang ito ay ipatupad.

Dapat din aniyang maisama sa pinaplanong bagong alert level ang mga restrictions.

Ayon kay De Grano, iisa lamang naman ang minimithi ng bawat isa, ito ay ang patuloy na makontrol ang pagkalat ng COVID-19 sa bansa.

Sa huli, sinabi ng health official na sana raw ay hindi nakakalito lalo na sa publiko ang ipapatupad na bagong COVID-19 alert level.

Nabatid na batay sa anunsyo ng DOH, posibleng ihalintulad sa rainfall warnings ng PAGASA ang gagawing revision at magiging batayan ng COVID-19 alert level system sa bansa.
#

Leave a Reply

Your email address will not be published. Required fields are marked *