Philhealth12 gitubag ang alegasyong unclaim payments sa mga pribadong ospital

GITUBAG sa Philippine Health Insurance Corp. (PhilHealth) 12 ang sa unsettled payment nga P835.5 milyon sa pribadong ospital sa GenSan.

Sa press statement sa Philhealth nga pirmado ni Hector Zenon Leonardo Malate, Acting Regional Director sa Philhealth giklarong nabayaran na nila ang 61% sa P1.9 bilyon gikan sa 136,731 claims nga gisumite nila buhatan gikan Enero 2020 hangtud Oktubre 09, 2021.

Ang gipresentang unpaid claims nga gipunto sa medical directors ang wala mihaum sa ilang rekord atong Oktubre 09, 2021. Matud sa Philhealth 12, bugtong ang P457 milyon o 24% sa ilang total claim nasumite sa ilaha ug padayong giproseso.

Samtang ang 12% o P231.7 milyon ug 3% o P61.9 milyon ang nabalik sa ospital ug na-deny. Ang kantidad ang dili matud pa mahimong maihap isip receivable sa Philhealth hangtud makare-file finding sa compliance ug pagsumite sa dugang dokumento.

Giangkon sa mga medical directors sa pribadong tambalanan sa siyudad nga naglisod na sila og sustinir sa ilang operasyon tungod sa backlogs. Sa GenSan dunay walo ka pribadong ospital sama sa Auguis Clinic and Hospital, GenSan Medical Center,  Diagan Cooperative Hospital, Socsargen County Hospital ug General Santos Doctors Hospital.

Lakip ang Mindanao Medical Center Inc., Sarangani Bay Specialists Medical Center Inc, ug St. Elizabeth Hospital Inc.

Ang receivables sa mga ospital gikan sa health insurance firm ang tungod sa pagsaka sa operational costs tungod sa Covid-19 response. Una nang, migula sa house hearing nga rason sa pagkatanggong sa payments sa mga ospital ang tungod paperwork. ( Richel Gubalani)