PICPA girekomenda nga mo-audit sa 124 million nga gi-ingong uncollected rental sa upat ka mga merkado sa CDO

Gi-rekomenda ni Cagayan de Oro City Councilor George Goking ang PICPA o Philippine Institute of Certified Public Accountants nga maoy mohimo sa pag-audit sa 124 million nga ballor sa uncollected rental sa upat ka mga merkado ning siyudad nga gilangkoban sa Cogon, Carmen, Bulua ug Puerto.

Ang maong Special report diretsong gi-refer ni konsehal Atty. Joey Abbu sa Komitiba sa Ways and Means, City Economic Enterprise Department ug Laws and Rules.

Gibutyag ni Goking nga aron malikayan ang bisan unsang ispekulasyon, angay ipa-audit ang maong report aron masuta ang mga papeles pinaagi sa himoong fraud audit ug forensic audit.

Dugang pa sa konsehal nga dili mamahimo nga si bisan kinsa lang ang mag-audit ilabina nga naka-basi kini sa facts and figures. Kung duna matud pay aligasyon, sutaon una kung unsa ka tinood ayha i-presentar sa komitiba alang sa ebalwasyon ug diskusyon.

Sunod nga buhaton mao ang Operations review kung asa sutaon unsay nahitabo nganung wala makolekta ayha himoon ang Systems Review.

Gipasabot usab ni Goking nga walay bisan kinsang ordinaryong indibidwal ang makahimo sa pag-audit niini gawas lamang niadtong mga Certified Public Accountants.

Oras nga mapakita na ang final audit report, ayha na matud pa molihok ang legal department.

Leave a Reply

Your email address will not be published. Required fields are marked *