Kapin sa mga lima ka bangko, pawnshop, ag money remittance center sa probinsiya it Capiz ro uwa ginakilaea o ginabaton ro national identification card bilang valid ID.
Base kay Philippine Statistics Authority (PSA) – Capiz focal person Ana Denosta-Bolante, nakabaton sanda it mga reklamo halin sa mga indibidwal angot dikaea.
Ro PSA provincial office hay nagahimo eun it report agud ipdaea sa Bangko Sentral ng Pilipinas (BSP), nga ginaasahan nga magatawag it atensyon sa mga nasambitan nga establisyimento.
Ginpahayag man ni Denosta-Bolante nga ro mga memorandum nga ginpaguwa it BSP ag Department of Interior and Local Government (DILG) nga ngagamandu sa tanan nga establisyimento ag bangko nga kilaeanon ag pagabatunon ro national ID base sa ideom it Philippine Identification System Act (PhilSys)./JIL B. LACSON