KALIBO, AKLAN—Tatlong CCTV and Communications Operator ag emergency medical responder it Municipal Disaster Risk Reduction and Management Office (MDRRMO) Kalibo do nagpositibo sa coronavirus disease.
Suno kay Mr. Terence June Toriano, Local Disaster Risk Reduction Management Officer lll it MDRRMO Kalibo, naka-shut down do andang serbisyo sa pagresponde sa emergency medical service, urban search and rescue service ag tactical emergency medical support umpisa June 13-June 26, 2021 kung siin do 11 high risk at medium risk contacts nga emergency ag technical responders hay naka-mandatory quarantine.
Mag-eowas kara, do ibang ibang technical ag emergency medical responder hay naka-deploy man sa tatlong border control checkpoints sa Kalibo ag do mga drivers hay nakatutok sa mga pasyente ag sa paghatod sa mga nagpositibo sa virus sa Ligtas COVID Center.
Samtang, umapela man si Toriano sa mga Kalibonhons nga indi magpasaway eabi eon do padayon nga nag-inuman apisar nga may una nga ginapatuman nga liquor ban sa bilog nga probinsya it Aklan bangud nga nasayuran nga do ibang kaso it deadly virus hay nag-eapta bangud sa mga inuman. // SHERRY ANNE REUNIR-VIDAL