KALIBO, AKLAN—Namatay eon do ginakabig nga pinakamagueang nga COVID-19 patient sa probinsya it Aklan.
Si Case No. 1831, 99 anyos nga babae nga taga-Brgy. Cerrudo, Banga hay binawian it kabuhi ku Mayo 24, 2021 matapos ma-diagnose nga tinamaan it coronavirus disease.
Do nasambit nga pasyente hay indi matumod do travel history apang high-risk contact it sangka confirmed COVID-19 case halin sa ibang banwa.
As of May 26, 2021, do banwa it Bang hay may una pang 41 aktibong kaso nga maghalin sa mga barangay it Cerrudo, Tabayon, Dingle, Ugsod, Palale, Taba-ao, Mambog, Polo, Bacan, Agbanawan, ag Poblacion kung siin 30 kara do naka-home quarantine, waeo do naka-facility quarantine samtang do tatlo hay naka-admit sa DRSMTH.
Angot kara, umapela do LGU Banga sa publiko nga sundon do health protocols ag likawan anay do pagtambong ag pagpatigayon it mga mass gatherings. // SHERRY ANNE REUNIR-VIDAL