Pinangangambahang pag-collapse ng Boracay dahil sa 815 sinkholes, pinaghahandaan na

Nagpaalala ngayon ang Mines and Geosciences Bureau ng Department of Environment and Natural Resources (MGB-DENR) na dapat obserbahan ang carrying capacity sa Boracay dahil sa posibleng peligro ng paglitaw ng sinkholes.

Sa ginanap na media forum, inihayag ng ahensya na vulnerable sa sinkholes ang isla.

Ayon kay Engr. Mae Magarzo, hepe ng MGB Geosciences Division, ang sinkholes ay land depressions dahil sa pagtanggal ng suporta sa ilalim dahil sa lindol o dahil sa pagbaba ng tubig sa lupa.

Napag- alaman na ang kabuuan ng Boracay ay limestone.

Ayon kay Magarzo, nabubuo ang sinkholes sa linestone.

Sa isinagawang Karst Subsidence Hazard Mapping noong 2018, natukoy sa Boracay ang 789 sinkholes, 801 noong 2019, 814 noong 2022, at 815 mula sa 2021 hanggang 2022.

Nakakalat umano ang mga sinkhole na ito sa 3 barangay sa isla ng Boracay.

Inihayag din ni Magarzo na ang sinkhole ang “most dangerous type of hazard” dahil walang indikasyon kung kailan ito lalabas.

Sa pag-aaral, ang ideal arrival per day ay dapat nasa 1,085 lamang. // BNFM KALIBO

Leave a Reply

Your email address will not be published. Required fields are marked *