Pinay fencer bigong makakuha ng spot sa 2020 Tokyo Olympics

Nasungkit ng Pinay fencer na si Sam Catantan ang bronze medal sa senior women’s foil event ng Asia-Ocania olympic Qualification Tournament sa Tashkent, Uzbekistan.

Gayunman, hindi ito naging sapat para makakuha si Catantan ng spot sa 2020 Tokyo Olympics.

Natalo ni Yana Alborova ng Uzbekistan si Catantan sa semis, 15-10.

Kalaunan ay natalo si Alborova mula sa kamay ni Amita Berthier ng Singapore sa finals para sa Olympic bert, 15-14.

Isang player lang kada event ang nabibigyan ng spot sa Tokyo games.

Matatandaan na nakipagkompitensya si Catantan kamakailan sa National Collegiate Athletic Association para sa Penssylvania State University sa Estados Unidos.

Isa rin bronze medalist si Catantan noong 2019 Southeast Asian Games. (RAMAK KOWSARI)

Leave a Reply

Your email address will not be published. Required fields are marked *