Pinoy non-medalist athletes sa Tokyo Olympics tatanggap ng P500K – POC

Walang uuwing luhaan sa mga atletang pinoy na sumabak sa Tokyo Olympics.

Ito ang tiniyak ni Philippine Olympic Committee (POC) President Rep. Abraham “Bambol” Tolentino.

Ayon kay Tolentino makakatanggap ng P500,000 bilang incentives ang mga atletang bigong makapag-uwi ng Olympic Medal.

Napagkasunduan umano ng POC at MVP Sports Foundation ni business tycoon Manuel V. Pangilinan na bigyan pa rin ng reward ang mga non-medalists na bahagi ng Team Philippines.

Sinabi ni Tolentino lahat ng pambato ng Pilipinas ay kadapat-dapat bigyang ng pagpupugay at papuri dahil hindi umano biro ang magqualify para sa Olympics.

Nabatid na may apat na Pinoy pa ang nagpapatuloy ang kampanya sa Tokyo na kinabibilangan nina Golfers boxers Eumir Felix Marcial at Carlo Paalam at golfers Bianca Pagdanganan at Yuka Saso.

Leave a Reply

Your email address will not be published. Required fields are marked *