Pipila ka mga botante sa Gensan andam na sa ilang botaran sa nagkaduol nga Barangay ug SK election

ANDAM na ang pipila ka mga botante sa ilang paga botaran sa umaabot nga Barangay ug SK Election sa October 30, 2023.

Sumala kay Jose Agote, 48-anyos nga taga Barangay Ligaya nga sukad siya marehistro sa taga Comelec walay palta ang iyang pagbotar sa piniliay.

Ang gusto daw niini nga kandidato sa nagladuol nga Barangay Election katong maduolan sa panahon sa panginahanglan ug wala nagapangita og samok aron lang nga modaug.

Sigon usab kay Juvy Villaber, 27-anyos nga gusto niya katong nagatabang bisan walay piniliay unya sayon nga pangitaon.

Sugyot usab sa usa ka 3rd termer nga kapitan nga dapat sa mosulod sa politika sa Barangay mo serbisyo sa tanan ug walay pinalabi,sa iyang pangidaron iyaha na daw ihatag ang higayon sa mga batan-on pa.

Sa bahin sa Comelec Gensan sumala kay Election Assistant II Melvin Quenanola nga walay kausaban sa ulahing Schedule of Activities sa Comelec nga Agusto 28 hangtud Septembre 2 ang Filing sa Certificate of Candidacy ug mao usab ang sugod sa Election Period. I Ver Diazon