MAY nagagukod pa nga mga negosyante nga mag renew sa ilang business permit, human wala makagukod sa last hour sa filing niadtong alas 12 sa gabii Enero 20, 2023.
Kini ang gibutyag ni Geraldine Zamora, licensing officer 4 sa Business Permit and Licensing Division kun BLPD luyo nga dawaton gihapon apan mobayad na og surcharges ug penalties nga anaa sa 25 percent ug 2 percent kada bulan nga ipatong sa ilang bayrunon.
Sa bahin ni Zamora, malipayun na usab kini nga nakab-ot ang ilang target apan kung na-extend ang renewal, mas motaas pa sa 10,667 ang nakakuha sa ilang business permit.
Sa 10,667, anaa sa 10,588 ang renewal ug 79 ang new.
Kasamtangan, may mga nagaproseso gihapon sa ilang business permit ug giangkon ni Zamora, nga mobayad na sila sa unsa mang surcharges human wala makagukod sa deadline niadtong Enero 20, 2023.