Pipila ka section sa EO 25 giamendahan, bag-ong EO gipagawas sa LGU

GIAMIENDAHAN na sa LGU-GenSan ang section sa Executive Order 25 aron nga dili mabug-atan ang pipila ka sektor.

Kini ang gibutyag ni Mayor Ronnel Rivera nga giwala ang pagbawal sa mga trisikel nga makalusot sa mga control points aron dili usab madugangan og gastos sa pamasahe ang mga essential workers.

Una nang gibutyag ni Mayor Rivera nga usab nga ablihan na ang malls ug ubang mga establismento gawas sa mga restaurant nga gitun-an gihapon kung tugutan nga 30 percent capacity sa dine in o take out lamang tungod may market schedule usab hinungdan dili magdasok ang mga tawo.

Giangkon sa mayor nga malisod gayud balansehon ang ekonomiya ug health capacity apan giangkon nga gihatagan og gimbug-aton ang mga doktor tungod sila ang anaa sa frontline.

Gihimo usab daw ang tanang measures tungod ug alang sa kadaghanan.

Gidugang pa sa mayor nga magpabilin gihapon ang pagpatuman sa no Sunday movement hangtud sa katapusan sa Hunyo, ingon man ang liquor ban, market schedule ug clustering.

Adlawng Dominggo, gipagawas sa LGU-GenSan ang Executive Order number 26, asa gitugutan na ang pag-abli sa mall, ingon man mga personal care services sama sa beauty salon,wellness and holistic center, massage spa ug uban pa basta musunod sa health protocols.