Pipila ka sinehan sa Davao City subli nang abrihan

Gianunsyo sa pipila ka malls sa dakbayan sa Davao nga subli nang ablihan ang mga sinehan karong December 1, 2021 human nga gisirad-an tungod sa Covid-19 pandemic.

Apan giklaro sa Davao City COVID-19 Task Force nga kinahanglan mutuman sa 50% capacity sa venue subay  sa guidelines sa Department of Trade and Industry (DTI) ilawom sa Alert Level 2.

Una ng gibutyag ni Dr. Michelle Schlosser, Spokesperson sa Davao City COVID-19 Task Force nga mamahimo nang mag operate ang mga sinehan ilawom sa Alert Level 2 apan kinahanglang sundon ang Inter-Agency Task Force (IATF) Resolution nga mao sab ang ginabasehan sa mga Local Government Unit (LGUs). 

Tungod niini, nagpasida-an ang opisyal nga tumanon ang guidelines nga gilatid sa IATF aron dili makasinati og aberya tungod nga imonitor matud pa ang mga sinehan sa Davao sa mga otoridad atol sa pag-abri niini aron masuta kung mituman sa 50% capacity.

Leave a Reply

Your email address will not be published. Required fields are marked *