GIGAHIN na lang sa pipila ka tricycle drivers ang ilang panahon sa pag ayo sa ilang tricycle kay wala man nahinayon ang gitakda nga Committee En Banc sa Sangguniang Panlungsod Mayo 17, 2023.
Sumala sa Vice President sa usa ka Tricycle, Operators and Drivers Transport Association nga si Heracleo Singson dismayado siya.
Sumala usab sa pangulo sa usa ka toda nga si Arsenio Suroysuroy nga wala man silay mahimo kondili ang maghulat nga maghulat sa bag-ong guidelines.
Gumikan niini naghatag og pagpaklaro ang Acting Secretary sa Sangguniang Panlungsod kung ngano nga wala nadayon ang Committee En Banc.
Gidugang ni mondido nga bisan kon naa sa recess nagapadayon ang trabaho sa research ug sa Administrative Works sa taga Sanggunian, wala lang Committee Hearings ug Session ang konseho.
Kahibaluan nga aduna na usab grupo sa tricycle drivers nga nikuha og permiso aron subling mag rally kon dili gayud ma aprubahan ang bag-ong guidelines sa franchise. I Ver Diazon