PIPILA ka mga species sa waterbirds ang nakita sa mga taga DENR Community Environmental Natural and Natural Resources Office kun CENRO sa Tacurong City bag-uhay lamang.
Atol sa annual Asian Waterbird Census, Enero 17 hangtud 18, 2023 nakit-an ang maong mga langgam sa Baras Bird Sanctuary sa syiudad ug sa Lake Buluan Natural Biotoic Area sa Lutayan, Sultan Kudarat.
Matud ni CENR Officer Dr. Badjury Mustapha tumong sa maong annual census nga ma-monitor ang population ug distribution sa waterbirds lakip na ang kondisyon sa wetlands.
Giila nila ni Conservation and Development Section Chief Forester Mama Mulimpay kauban silang PAWN Chief Forester Esmail Gani, EMS Emanon Luigi Mantawil ug Forester Ranger Alkhasari Mustapha ang maong matang sa langgam nga great egret (Ardea alba) ug Black-crowned night heron (Nycticorax nycticorax) sa Baras Bird Sanctuary.
Nagkadaiyang species usab sa langgam sama sa Great Egret (Ardea alba), Chinese Egret (Egretta eulophotes), Cattle Egret (Bubulcus ibis), Brahminy kite (Haliastur indus) ang nakita sa team sa Lake Buluan Natural Biotic Area.
Kauban usab sa team ang mga representante gikan sa Municipal ENRO sa Lutayan ug Bantay Lake groups atol sa pagpahigayon sa maong aktibidad.
Photo by DENR Soccsksargen