WELCOME sa labaw sa kapulisan sa Soccsksargen ang plano sa mayor sa gensan sa pagmugna og task
Giklaro ni Brig. Gen. Jimili Macaraeg, director sa Police Regional Office (PRO-12) nga mosulod lang ang kapulisan kung dunay krimen nga nahitabo o mandu sa korte nga sudlon ang giilogang luna.
Andam ang kapulisan nga makig-alayon sa lokal nga panggamhanan sa GenSan nga matuldukan ang problema sa land conflict.
Kini tungod ang pag-ilogay sa yuta ang mopadulong na sa kagubot, sama na lang sa pag-atake sa pipila ka armadong tawo sa giilogang luna.
Sa bahin ni GenSan City Mayor Lorelie Pacquaio , girebyu nila sa karon ang unod sa ipagula nga executive order (EO) tumong ang kamugnaan sa task force versus squatters.
Sa impormasyon ang unod sa EO mao pag-adopt measures aron masuta ug mapugngan ang aktibidad sa professional squatters ug posibleng squatting syndicates, lakip na ang mga posibleng iladong personahe nga nagpaluyo niini.
Nakalabay’ng semana, girespondehan sa kapulisan ang land conflict sa barangay mabuhay, miresulta kini sa pakigbuthanay sumala pa sa mga grupo sa claimant ngadto sa mga pulis.
Ang hitabo ang miresulta sa pagkasikop sa walo katao ug pagka-imbargo sa tag-as nga kalibre sa armas. I Richel Gubalani