LIMPYO na sa mga gasuroy ang Plaza Heneral Santos pagtungtong sa alas 12 sa gabii.
Kini ang gitino ni retired Plt Col.Renato Salarda, labaw sa Civil Security Unit kun CSU sa LGU-GenSan luyo sa report nga may pipila ka kabataan ang gatulog sa plaza.
Matud ni Salarda nga alas 10 sa gabii ang curfew alang sa mga minors sa pagpanuroy sa plaza ug pag-abot sa alas 12 bisan hamtong bawal na.
May ga roving usab sa pag-abot sa alas 12 sa gabii aron masiguro nga wala nay tawo sa maong lugar.
Sa nadawat nga report ni Salarda gipangutana gilayun ang mga supervisors ug gipanghimamak nga adunay gatulog sa plaza.
Luyo niini gibutyag nga alas 4 sa kaadlawon abli na usab ang plaza tungod sa mga ga-jogging sa lugar.
Sa maong oras, ginatugutan na usab ang mga kabataan ug kung may makita man nga gatulog, kana ang tungod nagpalabay sa kangitngit o nagpalabay sa oras.