KORONADAL CITY- LUMAGDA sa isang Memorandum of Agreement (MOA) ang Provincial League of Local Environment and Natural Resources Officers o PLLENRO – South Cotabato at Biotech Farms Inc para sa province-wide na pagbili ng mga basurang papel.
Nakasaad sa MOA ang pagbili ng Biotech Farms ng 10 tons ng waste paper sa halagang P 3.00 per kilo.
Ang mga basurang papel ay pinoproseso ng kompanya upang gawing egg tray sa kanilang fiber processing plant.
Ang Biotech Farms ay malaking supplier hindi lang ng baboy at pork products ngunit maging itlog at mga poultry products.
Samantala, ang PLLENRO ang magsisilbi naman bilang consolidator ng mga waste paper sa bawat LGU.
Napag-alaman na sa P3.00 per kilo na halaga ng bibilhing basurang papel, P 2.50 ang mapapunta sa seller habang P 0.50 ang maiiwan sa PLLENRO.
Ang MOA signing ay pinangunahan ni Engr. Jeffrey Bondoc ng Biotech Farms at ni PLLENRO president Eileen Estrada.
