Gipakatap gyud dayon sa hepe sa kapulisan sa Dumaguete nga si PLtCol.Joeson Parallag ang iyahang sakop didto sa may Brgy.Bajumpandan section sa Metro Dumaguete Diversion Road,paingon sa utlanan sa Munisipalidad sa Bacong,aron mahatagan og tubag ang gikatahong pagpahigayon og drag race sa mga motorsiklo nga maoy hinungdan nga daghan ang magtapok-tapok nga katawhan.
Random nga checkpoint ang gibuhat karon sa kapulisan sa dakbayan,aron masuta kung aduna bay igong dukomento ang mga motorista ug hugot pod nilang gipatuman ang minimum health protocols batok COVID-19.
Giawhag usab sa kapulisan ang publiko nga moreport dayun sa otoridad kung ugaling adunay mabantayan nga nakalapas sa health protocols.///Ariel Morro Amistoso