PNP, iimbestigahan ang pagkamatay ng senior citizen sa community pantry ni Angel Locsin

Iimbestigahan ng Philippine National Police ang pagkamatay ng isang senior citizen, habang nakapila sa community pantry na inorganisa ng aktres na si Angel Locsin para sa kanyang kaarawan, kahapon sa Barangay Holy Spirit sa Quezon City.

Kaugnay nito, hinimok ni Interior Secretary Eduardo Año ang community pantry organizers na makipagtulungan sa mga local government units at sa Philippine National Police para matiyak na nasusunod ang COVID-19 protocols.

Sa ngayon, hindi pa umano nila masasabi kung sinu ang may pananagutan hanggang sa makompleto ang kanilang imbestigasyon.

Batay sa ulat ng pulisya, alas 2:00 pa ng madaling araw nakapila ang naturang matanda, at pagdating ng alas 9:00 ng umaga ay nawalan ito ng malay.

Naisugod pa ito sa East Avenue Medical Center, pero ideneklara ring dead on arrival.

Leave a Reply

Your email address will not be published. Required fields are marked *