PNP Naga nakaalerto sa kilos protesta kaugnay ng ika-50 taong pag-alala sa deklarasyon ng Martial Law

NAGA CITY- Inaasahan ng Naga City Police Office ang mga kilos protesta ngayong araw kaugnay ng ika- 50 taong pag-alala sa deklarasyon ng Martial Law o Batas Militar sa pamumuno ni dating pangulong Ferdinand Marcos Sr.

Ito ang sinabi sa Brigada News FM Naga ni PLtCol. Errol Garchitorena, Deputy City Director for Operations. Aniya hindi nila ipinagbabawal ang mga pagkilos, ang hiling lamang ay mapayapang protesta. Nakalatag ang mga nasa intelligence upang magbantay.

Ang mga malalalaking Plaza sa Naga ang madalas na venue ng mga pagkilos ng mga progresibong grupo mula lungsod at sa iba’t-ibang bahagi ng Camarines Sur.

Samantala, noong Lunes nagtipon ang mga mag-aaral, kabataan, kababaihan, at representate ng iba’t-ibang sektor lalo na ang mga Martial Law survivors para sa forum na pinamagatang  “Pagrumdom asin Pagtumang”,  natalakay din ang umano’y mga porma ng historical distortion.

Leave a Reply

Your email address will not be published. Required fields are marked *