PNPA CADET NGA TAGA-ZAMBOANGA DEL SUR PATAY HUMAN GISUMBAG SA IYANG KAUBAN

PATAY ang usa ka Zambosurian nga kadete sa Philippine National Police Academy (PNPA) human kini gisumbag sa iyang kauban kaniadtong Huwebes, Septembre 23, 2021.

Naila ang biktima nga si Cadete 3rd Class Karl Magsayo, 21 anyos ug residente sa Midsalip, Zamboanga del Sur. Gikumpirma kini PNPA Public Information Office pinaagi ni PLtCol Louie Gonzaga sa usa ka phone interview sa Rappler

Sumala sa Silang Municipal Police sa Cavite, miadto si Magsayo ug ang higala niini paingon sa kwarto sa suspek nga si Cadet 2nd Class Steve Cesar Maingat bandang alas-5:40 sa hapon. Sa wala madugay, gisumbag sa suspek sa tiyan si Magsayo sa makalima ka beses hinungdan nga nawad-an kini og panimuot human sa insidente

Wala pa gibutyag sa PNP ang rason nganong gisumbag ni Maingat si Magsayo.

Nadala pa sa hospital ang biktimang si Magsayo apan gideklara kining dead on arrival bandang alas-6:43 sa gabie.

Anaa na sa kustodiya sa kapulisan ang suspek ug ipailawom sa inquest karong adlawng Lunes, Septembre 27. Usa ka special investigating group usab ng gimugna sa PNPA aron motutok sa maong kaso.

Sa dugang impormasyon nga atong nakuha, kagahapong adlawa milarga na paingon sa kaulohan ang mga ginikanan ni Magsayo diin ang inahan niini usa ka barangay kapitan sa lungsod sa Midsalip.

Leave a Reply

Your email address will not be published. Required fields are marked *