KALIBO, AKLAN—Nagpaandam do Philippine Overseas Employment Administration sa mga Filipino nga nagausoy it trabaho sa guwa it nasyon nga indi pagpatulan do mga ginatanyag nga trabaho halin sa mga tawo nga napagamintaha pinaagi it online dating applications at web sites.
Nakabaton do POEA it reklamo nga may nagatanyag it migration ag employment opportunities sa United States ag Canada gamit do online dating apps ag websites.
Do scammers hay nagagamit it obra-obra eamang nga cyber identity agud nga ma-contact do potential victim kara sa dating apps nga may common interest ukon mutual connection ag kung makapundar eon it relasyon sa biktima hay magatanyag rayon raya it migration kaibahan do trabaho sa guwa it nasyon.
Ag samtang napabilin do andang kaangtanan sa biktima hay dikara eon magapadaea it pekeng job contracts ag company profiles do scammer kamana man magapangayo it kwarta halin sa biktima agud nga maipaguwa do visa documents ag kaibahan do ginapahayag airport clearances.
Kaangot kara, nagpadumdom do POEA nga kung nagausoy it trabaho hay indi magsalig sa makarundayang offer eabi eon sa mga dating apps ag websites ag indi gid magpadaea it kwarta sa mga online portals kabaylo it trabaho. // SHERRY ANNE REUNIR-VIDAL
Kumpirmadong nang may relasyon sa pagitan ng aktor na si Xian Lim at film producer…
Pinangunahan ng gymnast na si Karl Eldrew Yulo ang Philippine Artistic Gymnastics team matapos makapaguwi…
Hindi bababa sa sampu ang nasawi sa katimugang estado ng Rio Grande do Sul ng…
Patay diha-diha dayon ang usa ka lalaki human gipauwanan kinig bala kay matud pa wala…
Ipinatawag ng Department of Foreign Affairs si Zhou Zhiyong mula sa embahada ng China sa…
Isinailalim na sa medical at booking procedure sina Deniece Cornejo at Simeon Raz - dalawa…