POI sa pagkamatay sa sales lady, wa pa napasakaan og kaso

WALA pa’y pormal nga kasong gipasaka ang kapulisan batok sa pulis nga Person of Interest (POI) sa pagkamatay sa sales lady nga residente sa Purok Balunto, Barangay Labangal, GenSan. Buot sa hepe sa Makar Police Station nga makumpleto ang tanang detalye o ebidensiya sa nahitabo bag-o ipasaka ang kaso.

Gihulat karon sa kapulisan ang resulta sa forensic examination resulta sa cellphone ug eksamination nga gihimo sa sakyanan nga gituohang gigamit sa krimen. Matud ni Police Major Dennis Yuson, hepe sa Makar Police Station, wala na gisulti sa kampo ni Corporal Jaime Neri ang pangalan sa shop asa gidala ang kotse human nalampso sa dalan ang lawas ni Racelyn Sulanting.

Sa karon padayon ang gihimong imbestigasyon kalabut sa maong krimen, samtang gihatagan niya og hangtud sunod semana ang imbestigador sa kaso hangtud sunod semana aron mafile ang kaso. Una nang, gibutyag ni Dr. Ricardo Rodaje, medicol legal sa National Bureau of Investigation-Sarangani District Office (NBI-SARDO) nga nakita sa resulta sa gihimong eksaminasyon ang intensyon sa pagpatay.

Human nga nangahilis ang parte sa lawas sa babaye human nakaladkad ang lawas niini og hangtud 650 meters. Dungan sa pagpalubong sa lawas ni sulanting mao ang padayong hangyo sa pamilya og hustisya kalabut sa pagkamatay niini. I Richel Gubalani