PATAY ang usa PNP intelligence officer sa Sarangani sa labing ulahi nga insidente sa pagpamusil sa GenSan.
Giila kini nga si Police Staff Master Sergeant (PSMS) Peterselier Licanto, 43-anyos, residente sa siyudad. Sa inisyal nga taho sa Pendatun Police Station, pauli na gikan sa restawrant nga dunay bilyaran sa Quezon Avenue, Barangay Dadiangas North si Licanto.
Dihang giduolan sa usa ka lalaki og gipusil sa makapila kahigayon, gilayon usab misibat sakay sa motorsiklo nga XRM palayo sa lugar. Naa sa pito ka bala sa wala pa masuta nga kalibre sa pusil ang narekober gawas ug sulod sa kotse sa pusil.
Igo sa lawas ug sa ulo ang nahiagum sa nasangpit nga pulis dungan sa insidente. Nadala kini sa labing duol nga ospital apan gideklarang patay. Samtang, ‘no comment’ ang bugtong nabutyag ni PCol. Jomar Alexis Yap, director sa GenSan City Police Office (GSCPO) kalabut sa insidente. Si Licanto na ang ikaduhang intelligence officer nga gipusil sa GenSan karong tuiga, sunod ni Police Corporal Rasul Alongan.