NAGBUTANG og exemption ang Civil Aviation Authority of the Philippines (CAAP) sa GenSan kalabut sa no vaccination, no entrt policy nga gipatuman. Matud ni Joel Gavina, manager sa GenSan airport makasulod ang mga dili bakunado tungod sa pagtuo nga bawal sa ilang relihiyon og dunay medical condition.
Kinahanglan lang sila mopresenta og notarized nga certificate nga dili sila pwede nga bakunahan. Apan ilang tambagan nga angayang magpabakuna gumikan may igong proteksyon sa panglawas batok sa COVID 19.
Samtang gitubag usab ni Gavina ang pagsaway kanila nganong gipatuman ang maong patakaran. Kahibaluan nga sa bag-ong gipatumang polisiya, angayang fully vaccinated ang mga empleyado sa airport, airline companies,pasahero,mga bisita og uban.
Sa mga muabot nga mga pasahero sa airport nga nakadawat og sa unang dose magpresenta og negative RT-PCR test result sulod sa 72 oras. Ang mga pasahero nga may vaccination card o vaccination certificate ang makasulod sa airport. Hugot nga gipahinumduman ang tanan nga angayang sundon ang tanang mga health protocols. I Richel Gubalani