Isa ka taas nga opisyal sa rebeldeng New People’s Army (NPA) ang napatay sa tropa sa kasundalohan dihang naka-engkwentro diha sa bukirang bahin sa Sitio Pingaping, Brgy. Motorpool, lungsod sa Tubod, Surigao del Norte kagahapon sa hapon.
Ang napatay nailang si Christopher John Trugillo, 41 anyos, wala kalampos sa kursong electrical engineering, nagsilbing Political Instructor sa rebeldeng grupo, residente sa Brgy. Quezon, Surigao City.
Gikabutyag ni Lt. Col. Ryan Charles Callanta, ang Battalion Commander sa 30th Infantry Battalion Philippine Army, nakasangka sa ilang tropa ang grupo ni Alberto Castañeda, alyas JD sa maong lugar.
Nilungtad sa 25 minutos ang engkwentro hangtod napatyan ang kaaway adiser nisibat.
Sa hitabo, nasubo ang opisyal nga laing kinabuhi na usab sa kaaway ang nakalas tungod lamang sa sayop nga idolohiyang gisubay.