POPCOM-Bicol, nagtutubod na panahon na para bukas na madiskutir sa mga kahovenesan an dapit sa sekswalidad asin reproductive health

BICOL – NANINIDUGAN  an  Commission on Population Bicol na panahon na para bukas na madiskutir  sa mga kahovenesan  an  mga isyu dapit sa  sexuality asin reproductive health urog ngunyan na igwang  kinakaatubang  na krisis an nacion.

Segun ki  Ms. Joyce Dela Paz, Regional Director kan Popcom-Bicol nakatutok an saindang ahensya sa pagpapakusog kan  comprehensive sexuality education asin  adolescent reproductive health katuwang an DepEd asin Department of Health.

Soboot  base sa record , buminaba na an mga nairerehistrong  kaso kan teenage pregnancy na may edad dyes sundo  hanggang dyes y nueve -anyos alagad padagos soboot na nairerehistro   sa rehiyon sa mga nakalihis  na taon, an parehong mga kaso sa mga may edad kinese anyos pababa.

Aminado an opisyal na iba iba an lambang kaso nin amay  na pagbabados alagad an  pinaka target soboot kan  Popcom an maibitaran pa ini nin dakul na    beses o “repeated teen pregnancy.”

Dugang pa kaini dapat na solusyunan an problema gikan sa local level asin maaraman  an pinaka kawsa  kun tano  mga kahovenesan  an a amay na mamuklat  sa sexual activities.

Pahayag pa ni Dela Paz,  dai  magiging epektibo an kampanya kun mayong suporta  kan mga magurang asin mga nagkakaedad  an    komunidad.

Dawa na ngani sensitibo an mga siring na isyu, imbes na iwasan mas urog soboot na  dapat na maipasabot sa sainda  ang implikasyon kaini tanganing makapagdesisyon sinda nin  tama para sa  saindang  sadiri asin dapat makagibo nin  bagay na pwede nindang  pagbasulan sa huri..

Leave a Reply

Your email address will not be published. Required fields are marked *