Taliwala sa pandemya tungod sa COVID-19 nakab-ot gihapon sa Bureau of Customs Port of Davao ang ilang target revenue collection karong April 2021.
Sumala pa ni Atty. Dante Maranan ang BOC, Deputy Collector for operations anaa sa P3,065,000,000.00 ang cash collection kung asa sobra pa kini og P32,000,000.00 human ang target revenue collection anaa lang sa P3,065,000,000.00. samtang ang deviation sa maong bulan anaa sa 1.05%.
Gisiguro usab sa buhatan nga masusi og tarong ang tanang produkto o kargamento nga mosulod sa Davao Region pinasubay sa BOC ingon usab ma-buhisan sa husto nga kantidad nga gikinahanglan.
Ginapalambo usab sa buhatan ang ilang Trade facilitation Services ug Costumer care centers aron masigurong paspas ang ilang trabaho.
Sa kinatibuk-an niabot na sa P12,120,474,803.92 ang cash collection gikan sa bulan sa Enero hangtud Abril 2021 kung asa nilapas sa target revenue collection nga P11,320,000,000.00.
Kahibaloan nga 11 sulod sa 17 ka mga BOC District sa Pilipinas ang nilapas sa target collection kung asa nalakip ang Port of Davao.