POSIBLENG dunay ‘power shifting’ nga mahitabo sa hawanan sa Sangguniang Panlungsod (SP) dungan sa resulta sa bag-ohay lang nahuman nga barangay ug Sangguniang Kabataan (SK) eleksyon sa GenSan.
Sa resulta sa BSKE naa sa 21 ka kapitan nga midaug gikan sa 26 ka barangay ang naa sa People’s Champ Movement (PCM) samtang 20 sa midaug nga SK chairman ang gikaengong naa na sa ilawom sa maong partido. Giangkon usab ni Konsehal Jose Edmar Yumang nga miyembro sa partidong RCRI ug super majority karon sa SP nga dunay epekto ang resulta sa BSKE kanila.
Nanghinaot usab si Yumang nga dili magpahaylo sa unsa mang butang ang mopili isip presidente pederasyon sa SK sa GenSan. Una nang, gikataho nga tungod sa ihap sa kaalyado sa mayor nga midaug isip kapitan. Gikonsidera na nga presumptive konsehal sa siyudad ang mister ni Mayor Lorelie Pacquaio nga si barangay Labangal kapitan- elect Bobby Pacquaio. Gisuportahan usab sa partido nga si Elijah Polistico ang SK chair- elect sa barangay Labangal ang gitudlong sunod nga president sa pederasyon.
Samtang, human nakadaug kaniadto sa iyang ikaduhang termino isip kapitan sa barangay, nahimong president sa liga ng mga barangay si Lorelie atong 2018 ug nahimong ex-office city councilor, bag-o kini mipapili isip mayor atong May 2022 election. I Richel Gubalani