PRC-Aklan, ginhinyo nga magpatigayun it Blood Donation Program sa mga barangay

Ginhinyo it Sangguniang Bayan it Kalibo ro Philippine Red Cross- Aklan Chapter nga uman nga ibalik ro blood donation program sa mga barangay.

Nasayuran nga ginaubra eon raya it PRC-Aklan pero napundo eang bangud sa pandemya.

Gin-engganyo man it LGU Kalibo ro mga Punong Barangay nga mag donate it dugo bisan sang porsyento eang it andang populasyon.

Ro banwa it Kalibo hay may 91,000 nga populasyon ngani kinhangean nga makatipon it 910 blood bags.

Naga plano man ro LGU it sangka programa nga magatao it insentibo sa mga barangay nga kung maabot ro 1 percent nga blood donation hay may benepisyo sanda o award. / ANN DESLENE SALAZAR

Leave a Reply

Your email address will not be published. Required fields are marked *