Prente it pick-up, wasak, matapos mabangga sa pader

Wasak ru prente it pick-up matapos mabangga sa pader sa kurbadang karsadahon sa Pob. Makato, Aklan alas 9:00 kabie, Agosto 25.

Sa initial nga imbistigasyon, gina maneho ru pick-up ni Armen Galicha, 40 anyos ag may 2 mga pasahero nga sanday Alberto Gregory ag Melchor Gregory, tanan sa legal nga edad ag mga residente it Quezon City.

Paado konta sa Iloilo City ru mga biktima halin sa Caticlan, Malay, AKlan kat matabo ru aksidente.

Ru binangga nga pader hay gina panag-iyahan ni Dr. Michael Terrencio may kapin sa 50 metros ru kaeayu-on halin sa Makato MPS.

Ma swerte nga uwat naninahan nga mga pasahero it pick-up.

Padayon pa makaron ru imbistgasyon it mga kapulisan angot sa aksidente.//MARIVIC Y. ILIN

Leave a Reply

Your email address will not be published. Required fields are marked *