Ginpangunahan ni President Ferdinand Marcos Jr., ang pagtugyan sang cash assistance sa mga representante sang kada asosasyon sa nagkalain-lain nga kabanwahanan sa Capiz.
Nakabaton sang Enhance Kadiwa cash assistance nga nagabalor sang P1.5 milyon ang lokal nga gobyerno sang Pontevedra gikan sa Department of Agriculture; P12.8 milyon naman para sa mga livestock, corn and rice insurance gikan sa Philippine Crop Insurance Corporation; P300,000 nga financial assistance ang gintugyan para sa ATI-Accredited Learning Site gikan sa DA- Agriculture Training Institute; Certificate for Entitlement sang 6,750 Hybrid Seed Nuts ang ginhatag sang Philippine Coconut Authority; Seed Capital Fund nga nagabalor sang P1.7 milyon ang gintugyan sa mga representante sang nagkalain-lain nga mga asosasyon gikan sa Department of Social Welfare and Development.
Personal man nga ginbaton ni Congresswoman Jane Castro bilang tiglawas sang 2nd District ang P6 milyon nga Tupad Financial Assistance gikan sa Department of Labor and Employment para sa 1,721 ka mga benepisyaryo.
Ginbaton man sang Capiz Provincial Government ang P1.5 milyon nga Medical Assistance to indigent patient’s program para sa District hopitals sang Bailan kag Tapaz nga nagikan naman sa Department of Health.
Naglab-ot naman sa P1.19 milyon nga Scholarship Allowance ang gintugyan para sa 230 ka mga benepisyaryo; CHED Scholarship program nga nagabalor sang P5.66 milyon para sa 273 beneficiaries; Scholarships gikan sa Staff and Instructors’ knowledge advancement program nga nagabalor sang P247,000; Grant gikan sa Unified Student Financial Assistance System for tertiary Education nga nagabalor sang P35 milyon para 1, 398 beneficiaries kag ini ang lunsay nagikan sang CHED.
Yari ang iban pa nga asosasyon nga nakabaton sang cash assistance:
Sapian – Agsilab SLPA Ass. – Catfish production – P330,000
Dao – MQN Balotan Ass. – Balot Production – P540,000
Dumarao – Gibato Uswag Pamana Livelihood Ass. Retailing Business – P300,000
Pilar – Binaobawan 16 Fisherfolks Ass. – P240,000
Pres. Roxas – Hanglid Viscaya Livelihood Ass. Community Store – P165,000
Tapaz – IP’s of Minan Ass. – Abaca Trading – P300,000. | Judy Ann Juare