-Reymund Titong
KABANKALAN CITY, Negros Occidental — Nag-promisa naman si President Ferdinand Marcos, Jr. sa mga taga Negros nga iya palaparon ang pipila ka mga dalanon nga naga-konekta sa syudad sang Bacolod kag probinsya sang Negros Occidental, lakip na ang pag-construct sang mga bag-o nga taytay.
Pahayag ni Marcos, inisyal na nga ginatutukan sang iya administrasyon ang pagpalapad sang 42-kilometer Bacolod-Negros Occidental Economic Highway kag pag-construct sang 12 tanan ka panibag-o nga mga taytay sa rehiyon, agud nga maka-imbitar sang economic development.
Nag promisa man ang presidente sa mga mangunguma sa iya pagbisita sa isla sang Hunyo 27, nga magahatag ini sang dugang nga suporta sa mga mangunguma sa paghatag sang mga modern agricultural equipment.
Iya man ginatutukan ang pagpanghatag sang high-quality nga mga binhi, kag iban pa gid nga mga farming tools nga iya ginalantaw makabulig pabaskog sa sektor sang agrikultura sang rehiyon.
Madumduman, nga sang napermahan ang NIR law sang Hunyo 13, ginapanawagan sang mga mangunguma sa Negros Occidental nga tagaan pagtamod ang pag-patukod sang seedbank sang mga traditional rice varieties (TRVs), ukon ang binhi nga duna sa pungsod Pilipinas.
Para sa mga Mmngunguma, ang mga traditional rice ang mas barato ang maintenance kag mas dako ang ila ma ginansya kun e-kumparar sa iban nga hybrid seeds nga mas naga-salig sa mga kemikal.*