LEGAZPI CITY – Nagpatanid an Presidential Task Force on Media Security sa publiko orog na an mga madaralagan bilang opisyal sa maabot na Barangay asin Sangguniang Kabataan Elections (BSKE) 2023.
Sa intrevista kan Brigada News FM Legazpi kay USec. Paul Gutierrez kan nasambitan na task force, sinabi niya na dapat magin responsable an gabos na mga maboroto, mga kandidato, otoridad magin an media sa maabot na pirilian.
Segun saiya, dapat likayan na magin partisano sa anuman na politikal na karapatan nganing maibetaran an anuman na problema.
Pirmi su boot na ugalion na magin pantay sag abos na oras asin gamiton an mga karapatan sa kamarayan, bako nganing makapag-abuso ki siisay man.
Mientrastanto, sinabi pa ni Gutierrez na padagos an saindang mga information asin media caravan magin an mga media symposium sain mang parte kan nasyon.