Gimando ni Cebu City Mayor Michael Rama ang police visibility, pagmonitor sa presyo sa mga palaliton sa dakbayan, ug ang pag-andam sa mga transportasyon alang sa Semana Santa.
Subay niini si Rama nipagawas og executive order nga nag-ulohan ug Oplan Semana Santa diin nakalatid ang mga lakang nga ipatuman sa City Government alang sa panahon sa kwaresma.
Gimanduan sa mayor ang City Market Operations Division nga bantayan ang presyo sa mga panaliton sa merkado sa siyudad ug pagsiguro nga walay mopahimulos sa selebrasyon pinaagi sa pagpaumento sa presyo sa mga produkto ilabina sa mga sangkap sa pagluto og binignit, budbod, biko, puto, ug sikwate.
Gipasiguro usab ni Rama ang police visibility sa tanang dapit sa dakbayan sa Sugbo, ilabi na sa mga dapit nga adunay mga simbahan.
Gihangyo usab niya ang Cebu City Transportation Office nga magbutang og mga sakop aron masiguro ang kaluwasan sa publiko nga nagbiyahe.//