Gipadayag sa Department of Trade and Industry kon DTI nga nisaka ug P3 ngadto sa P7 ang presyo sa mga school supplies sa ubang mga tindahan sa Dakbayan sa Sugbo.
Giklaro hinuon ni Ines Cajegas, Division Chief sa Consumer Protection sa maong ahensya nga wala kini molapas ang maong pagsaka sa gilatid nga presyo sa DTI.
Dugang pa sa opisyal sa DTI, nga aduna gayud pagsaka sa mga panaliton ilabina nga nisaka usab ang kompra sa mga negosyante diin ang uban nga gigamit niini nga mga produkto imported.
Subay niini, daghang mga tawo gihapon ang namalit og mga school supplies alang sa gikatakdang pag-abli sa klase karon umaabot nga Agusto 29 sa tanan mga pampublikong tunghaan.//