Gindagsa sang mga scholars humalin sa nagkalain-lain nga buluthu-an sa Capiz kag mga kalapit nga probinsya, ang Governor’s Hall sang tinalikdan nga adlaw sang Biyernes, Agusto 4.
Tungod ini sa releasing sang Gugma Scholarship Program nga padayon ang pagbulig sa mga estudyante humalin pa 2001.
Ini nga programa ang nagbulig na sa mga estudyante sumugod sang nagapungko palang bilang Congressman sang segundo distrito si Governor Fredenil Castro.
Sa subong ini ang ginapadayon ni Congresswoman Jane T. Castro kag padayon sa gihapon ang pagbulig sa scholars pati na sa primero distrito.
Ang mga scholars ang nakabaton sang P5,000 kada isa para sa isa ka semester sang pagtulun-an.
Ang masunod ang numero sang mga scholars sa kada banwa sa primero distrito, 40 para sa Pilar, 71 sa President Roxas, 48 sa Pontvedra, 23 sa Maayon, 31 sa Panay, 70 sa Panitan kag 213 sa Syudad sang Roxas.