Arestado ang isa ka principal matapos ginserbihan sang warrant of arrest sang kapulisan sa kaso nga two counts sang Violence Against Women and Children, sa Brgy. Mianay, Sigma, Capiz sang tinalikdan nga Martes Hulyo 2.
Ginkilala ang akusado kay alyas “Joe,” 54-anyos, Principal sang isa ka bulothoan sa banwa sang Sigma kag residente sang Brgy. Poblacion Sur, Ivisan.
Ginrekomendar sang korte ang piyansa nga tig-P72,000 para two counts nga kaso para sa iya temporaryo nga kahilwayan, kag sa karon, nagapabilin ini sa Ivisan Municipal Police Station para sa nagakaigo nga disposisyon.| Judy Ann Juare