‘Priority list ng vaccination rollout’ dapat sundin sa gitna ng panawagan na bakunahan na rin ang mga estudyante ayon kay Sen. Go

Nanindigan si Senador Christopher Bong Go na dapat sundin ang priority list ng vaccination rollout.

Ginawa ng mambabatas ang pahayag matapos ang mga panawagan na bakunahan na rin ang mga estudyante sa kolehiyo.

Nilinaw ni Go na gusto niya at ng pamahalaan na mabakunahan ang lahat ng Pilipino pero dapat sundin ang  priority list dahil kasama ito sa kasunduan sa COVAX facility ng World Health Organization.

Bagama’t pwede naman umanong niyang irekomenda sa IATF na pag-aralan ang naturang usapin dapat munang sumunod ang bansa sa regulasyon ng  COVAX para hindi magkaproblema ang bansa sa supply ng bakuna.

Sinabi ni Go na gusto din niyang  unti-unting makabalik sa face to face classes ang mga estudyante pero dapat masiguro muna na ligtas ang mga gusto at mga mag-aaral.

Dagdag ni Go, kung siya ang masusunod at sobra na ang supply ng bakuna, ipag-uutos niya ang pagbabakuna sa lahat ng  sector.

Leave a Reply

Your email address will not be published. Required fields are marked *