Private First Class nakuhaan ug mga tag-as nga armas nga walay dokumento  

DAKPAN sa mga sakop sa otoridad ang usa ka 26 anyos nga lalaki kinsa nagdala ug tag-as nga kalibre sa armas pasado alas singko kaganinang sayo sa kabuntagon samtang milatas kini sa TF Davao Sirawan Checkpoint, Toril ning dakbayan.

Naila ang dinakpan nga si PFC Mohammad Kasingsingan Kitig, sa North Cotabato, Private First Class nga nadesitono sa Civil Military Operation, 6IB Awang Maguindanao, ug residente sa Brgy. Poblacion, Matalam, North Cotabato.

Samtang mi-agi kini sa checkpoint, narekober gikan kaniya ang mga tag-as nga armas nga walay igong dokumento.

Pipila sa mga armas ang gilangkuban sa R4 long firearm; Lower receiver sa R4 Long firearm; usa ka pc brown bag nga adunay malong; usa ka unit sa TROY CARBINE 5.56 MM Caliber; usa ka unit sa TROY CARBINE 5.56 MM Caliber usa ka Lower receiver sa R4 Long firearm; usa ka upper receiver sa R4 long firearm usa ka unit sa TROY CARBINE 5.56 MM Caliber; usa ka TROY CARBINE 5.56 MM Caliber; usa ka unit sa CAL. 45 Pistol Rock Island AFP Issued Firearm; usa ka M16 Magazine; usa ka unit sa KIA OPTIMA color gray usa ka luggage bag; 30 ka kabuok nga 5.56 MM Caliber Live ammunition; tulog ka CAL. 45 MAGAZINE; 34 kabuok nga .45 live ammunition ug usa ka sling bag color black.

Balhug karun ang suspek sa Toril PNP alang sa tukma nga disposisyon samtang ang mga narekober nga mga ebidensiya gikan kaniya ang gikustodiya na sab sa otoridad.

Mag-atubang ang dinakpan ug kasong paglapas sa RA 10591. BNFM-DAVAO

Leave a Reply

Your email address will not be published. Required fields are marked *