LILO-AN, CEBU- Gikatakdang ablihan sa katapusang ning buwana ang usa ka pribadong pantalan sa lungsod sa Liloan.
Gipahibawo kini ni Congressman Duke Frasco sa 5th district pinaagi sa social media post.
Nasayran nga ang pantalan dunggo-an sa mga barko nga mobiyahe sa nagkada-iyang mga dapit sa Kabisay-an, sama sa Bohol, Camotes Islands, Leyte, ug ubang mga dapit sa Sugbo.
Ang Pier 88 gikonsepto niadtong 2015 atol sa katapusang termino ni Frasco isip mayor sa Liloan ug gi-aprobahan niadtong 2017 dihang siya gitudlo isip usa sa mga commissioner sa Cebu Port Authority (CPA).
Samtang ang ceremonial groundbreaking sa Pier 88 gipahigayon niadtong Oktubre 22, 2019 nga gisundan sa inagurasyon niadtong Oktubre 24, 2021.//