Private school GenSan di pabor sa bill vs ‘no permit, no exam’ policy

DAKO og epekto sa operasyon sa mga pribadong tulunghaan kung iduso sa gobyerno ang pag-apruba sa giduso nga pagbawal sa pagpatuman sa “no permit, no exam” policy, butyag sa principal sa usa ka pribadong eskwelahan.

Ang pagpasar sa senate bill 1359 ug house bill 7584 ang posibleng moresulta sa pagpanarado sa private schools asa ang ilang operasyon ang naa sa kamot sa ginikanan nga nagbayad og tuition fee.

Giangkon ni Lory Ancheta, principal sa Calumpang Central SDA Elementary Schools, bisan paman compulsory ang pagbayad on time sa tuition fee sa tululunghaan.

Duna sila’y mga ginahimong polisiya kalabut sa flexible nga pagbayad sa mga dili makabayad sa oras tungod sa emergency ug uban pang rason. Samang pabor usab si Jean Lipata, ginikanan og dunay anak ug apo nga nagtungha sa pribadong tulunghaan sa maong sugyot balaudnon.

Dako og matabang alang kaniya nga buot mahatagan ang anak ug apo og maayong edukasyon apan usahay makatagamtam og krisis sa salapi.

Nasabtan usab ni Isagani Dela Cruz, Schools Division Superintendent (SDS) sa Department of Education (DepEd) ang mga tulunghaan nga dili pabor sa pagtanggal sa no exam, no permit policy.

Sa GenSan, ubay-ubay pa sa mga private educational institution ang wala pa makabangon gikan sa epekto sa covid-pandemic. Asa duna usab gagmay nga private schools atong pandemic nga miundang sa operasyon. I Richel Gubalani

–