Private sector papayagan nang magsagawa ng COVID-19 vaccination

Inihayag ng COVID-19 Vaccination Operation Center na papayagan nilang makapagsagawa ng pagbabakuna ang mga pribadong sektor.

Subalit ayon kay Health Undersecretary Myrna Cabotaje ito ay kung masusunod ng mga private sector ang physical plan ng Department of Health at vaccinating implementing units.

Kabilang sa mga sisilipin ng DOH ay ang mga gagamitin sa pagbabakuna at kalaaman ng mga mag-aadminister ng bakuna na umano’y dapat dumaan sa tamang training.

Sinabi din ng DOH na obligado ang pribadong sektor na magpadala ng listahan sa kanila sa mga taong mababakunahan upang mamonitor ang mga ito sa posibleng adverse effects.

Maliban dito kailangan munang inspeksyunin ng DOH ang vaccination sites at suriin kung ang mga bakunang gagamitin ay pasok sa Emergency Use Authorization.

Dagdag pa ni Cabotaje, titingnan din nila ang paraan ng private sector sa pagdistribute ng nabiling bakuna kontra COVID-19. (LEY BAGUIO)

Leave a Reply

Your email address will not be published. Required fields are marked *