Nagpahimangno ang Police Regional Office XI (PRO) sa kapulisan nga kinahanglang mutabang kini sa nagkadaiyang lokal nga paggamhanan sa Davao Region atol sa pagsaulog sa undas nga siguradohon ang kalinaw ug seguridad sa publiko.
Sumala sa tigpamaba sa PRO XI nga si Maj. Eudisan Gultiano nga mimando na kini saiyang ginasakupan nga siguradohon sab nga matuman ang standard health protocols sa mga lubgangan sa nagkadaiyang lugar sa rehiyon aron malikay na magtapok-tapok ilabi na nga nagpadayon ang bahad sa Covid-19.
Una ng nahibaloan nga sirado ang lubganan sa Davao City, Nabunturan, Maco ug Monkayo sa Davao de Oro, Island Garden City of Samal sa Davao del Norte, Banay-Banay ug Mati City sa Davao Oriental ug sa karon nagpaabot matud pa ang Davao del Sur Police Provincial Office ug Davao Occidental Police Provincial Office kung magpatuman ang maong mga Probinsiya sa pagpasarado sa mga sementeryo atol sa undas.
Nagpahinumdom sab ang otoridad sa publiko nga mutamod sa gipatumang mando aron hapsay ug dili makasinati og aberya atol sa pagbisita sailang minahal sa kinabuhi sa sementeryo.