Ginpatikangan na han Police Regional Office 8 an libreng sakay mahuman an plano nga nationwide transport group strike para ha mga apektado nga commuters ha rehiyon tinikangan dida han alasais han aga han Lunes, Marso 6, 2023.
Ginpangunahan ini ni Police Regional Office 8 ha pamumuno ni PBGEN ROMMEL FRANCISCO D MARBIL, Regional Director.
Papagiuson han PRO8 an tanan nga magagamit hini nga transport asset para ha “Biyaheng Ligtas” ha pamaagi han “Libreng Sakay” para magdul-ong hin mga pasahero nga puydi maapektuhan han welga ha ira tagsa destinasyon.
An pick-up point in aadto ha New Bus Terminal, Abucay, Tacloban City tipakadto ha Brgy. Campetic Palo, Leyte ngan vice versa, nga magtitikang ha 6AM tubtob 6PM.
Labot pa hini, an usa nga deployment han Civil Disturbance Management (CDM) in igbubutang ha lugar pananglitan magkamayda hin panginahanglanon tikang ha bisan ano nga katitirok ngan protesta.
An nasabi nga protesta in mag-iiha tubtob usa kasemana nga nagtikang dida han Marso 6 tubtob 12, 2023 kun diin ginplano ini han magkadurudilain nga transport group agud tutulan an inisyatibo han gobyerno para ha modernisasyon han transportasyon.