Probinsiya han Northern Samar, nag-aandam na ha pinakasiyahan nga ‘Ibabao festival’ yana nga Hunyo

Nag-aandam na an probinsiya han Northern Samar ha pinakasiyahan hini nga “Ibabao Festival,” nga igseselebrar durante hiton founding anniversary ha maabot nga Hunyo 19.

Nag-alotaga na an lokal nga pangobyernuhan hin P10 million para ha mao nga festival.

Sumala kan Gov. Edwin Ongchuan, nga hingyap nira nga makaaghat hin damo nga mga turista ha probinsiya ha ira pagselebrar han ‘Ibabao Festiva’.

Igpapaangbit han mao nga aktibidad an riko nga kultura ngan turismo han probinsiya.

Pormal naman nga iglulunsar an Ibabao Festival ha June 4 ha usa nga grand float parade kun diin mapartisipar an 24 nga bungto han probinsiya.

Mababaruan nga an ngaran nga “Ibabao” in anay ngaran han Northern Samar, nga nagin bulag nga probinsiya dida han 1965 han pagtungaon an Samar Island ha tulo nga probinsiya.

Leave a Reply

Your email address will not be published. Required fields are marked *