Probinsya sa Mis.Occ, ipailalom sa GCQ

IPAILAWOM sa National Inter-Agency Task Force (NIATF) ang Misamis Occidental sa General Community Quarantine (GCQ),  sugod ugmang adlawa Septembre 8 hangtod Septembre 30, 2021.

Gibutyag ni Governor Philip Tan, nga mangandam ang tanan tungod ipailawom sa GCQ ang probinsya gumikan sa nagkataas nga kaso sa COVID-19 ug puno na usab ang mga ospital ug wala na’y kabutangan sa mga pasyente.

Base usa sa taho sa IPHO Misamis Occidental kaniadtong Septembre 5, mikabat na og 630 ang kinatibuk-ang aktibong kaso sa COVID-19 dinhin sa probinsya human nadugang ang 62 ka mga bag-ong kaso.

Ilawom sa quarantine classification nga GCQ, ipatuman ang mga temporaryong lakang nga naglimitar sa mga kalihokan ug trasportasyon, regulasyon sa mga operating industries, ug presensya sa mga unformed personnel aron mapatuman ang mga quarantine protocols sa komunidad.

Gikatakdang mopagawas og detalyadong guidelines kalabot sa GCQ ang dinhi sa probinsya sa Misamis Occidental Provincial Government, sa umaabot nga mga adlaw.-BNFM Oroquieta

Leave a Reply

Your email address will not be published. Required fields are marked *